Enkilpe:

Nan tout lari tout radyo  nou tande mo enkilpe , Malerezman anpil  moun konsidere Yon enkilpe kom Yon moun ki koupab de Yon Zak  , men  an dwa se pa sa;

Tèm "Inculpation" an jwenn orijin li nan yon tèm laten ki se “ Inculpare” ki vle di nan lang Fransè ‘ Attribuer une faute à quelqu’un ».

An dwa  lè yo di yon moun enkilpe se lè nan Kad  Yon enstriksyon (anket) jij denstriksyon an  genyen plizyè endis serye ki ta vle montre ke moun sa ta otè oubyen konplis de Yon Krim oubyen Yon deli.

Enkilpasyon se pa Yon jijman  men se desizyon Yon jij denstriksyon pran nan Kad envestigasyon li.

Pa bliye Se Selman jij enstriksyon ki ka enkilpe moun.

Lè nou di  endis(indice)  mo sa jwenn orijin li tou nan mo laten «  index » ki vle di nan lang fransè «  qui indique » , an dwa yon endis  se tout sa ki ka rann posib yon enfraksyon ou byen yon fè ke jij la ap chache san vreman li pa Yon prév definitif . Depi ou wè endis ou wè soupson, ou wè Jan yo di an fransè "présomption".

Fok nou pa bliye ke Yon moun ki enkilpe se pa Yon moun ki ni koupab ni kondane , lè Yon dosye rive nan men jij denstriksyon an Li fè ankèt Li , Li tande moun nan e nan Kad anket la si Li jwenn kek endis ki serye li ka deside enkilpe moun nan. Le Li enkilpe moun nan Li ka bay manda depo pou Li e Li ka deside kite Li an libète pandan anket la ap kontinye.

 Tèm enkilpe à nou te kopye Li sou lafrans men yo menm yo te pran Yon lwa nan dat 4 janvye 1993 pou yo ranplase enkilpe pa " mis en examen"  . Yo te fè sa paske yo te twouve  lè yo di Yon moun enkilpe Li sanble tet koupe ak Yon moun ki koupab pandan ke an dwa gen sa yo rele "présomption d' innocence" . Prensip prezonpsyon dinosans  la vle di menm le  gen Yon anket sou Yon moun  oubyen yo arete li , devan je lalwa Li inosan  jiskaske tribinal ki konpetan pou jije Zak Li fè à kondane Li. Prensip sa nou jwenn li nan Atik 11 deklarasyon inivèsel dwa moun.

Mwen vle nou konnen ke an dwa genyen bon diferans antr , prevni , Akize, enkilpe ak koupab.

Prevni:  moun yo rele prevni se Yon moun ki genyen Yon pousuit jidisyè deyè yo pou Yon deli ou Yon kontravansyon e ki twouve Li nan Yon sitiyasyon kote Li ap tann jijman.

Akize: se Yon moun ki gen Yon akizasyon sou do Li pou Yon Krim kelkonk e  lap tann pou Li ale jije devan tribinal kriminèl.

 Enkilpe: se moun ki gen  soupson sou li de Yon enfraksyon nan Kad Yon enstriksyon (anket) . Sitiyasyon enkilpe à ka vin evolye pou Li vin swa prevni swa akize.

 Koupab: se pa paske Yon moun  akize ,  prevni , enkilpe ki fè Li koupab pou sa. Yon moun ka koupab selman lè Yon tribinal konpetan jije l e kondane Li pou enfraksyon Li komèt la.


🗿🗿🗿🗿🗿🗿🗿🗿🗿🗿

Siw satisfè de ti eksplikasyon sa klike sou link sa pou like page la pou plis enfomasyon sou dwa an Ayiti.
https://www.facebook.com/fleremelaw/
Ou ka ekrim tou pou plis detay gratis ti cheri sou whatsapp nan nimewo : 37011865

⚖⚖⚖⚖⚖⚖⚖⚖⚖⚖⚖⚖⚖⚖⚖⚖⚖⚖⚖⚖⚖

C'est le devoir de chaque homme de rendre au monde au moins autant qu'il en a reçu.
A. Einstein.