Ayiti yon tè ki te yon paradi vin tounnen yon lanfè pou pitit li.

Ayiti ki se bèso limanité 'vil de refij 'premye repiblik nwa nan mond lan ki se te yon referans konyea tounen yon lanfè .Kesyon anpil mounn ap poze èske si istwa nou kap kondane nou ? lè nou konnen  istwa yon pèp se yon bagay ki sakre 'se li ki sèvi kòm yon booster pou pèmèt progrè ak devlopman men ta sanble nou menm se bak nap fè chak jou pi plis nap vire an won.Tè sa Jeans Jacques Dessalines te di depi yon mounn jis pile sèlman ou vinn lib Kèlkeswa kote ou ye nan mond lan eritaj sa  kisa nou fè ak li .Tè sa ki kanaran pou tout pèp sou latè menm pitit li ap kouti kite li .Ou ta mande tout mounn sa yo ki gen TPS kap fè demand azil vini Ayiti se pi gwo kout kouto ou te ka ba yo.


Peyi Dessalines lan tounnen yon wòch dife pou chak grenn ayisyen menm chita yo paka chita sou li paske yap boule ak desepsyon e lamizè.Poukisa devan pòt tounnen dèyè kay wi 'epi sak pi rèd la nou pa konn ki kote nou prale  nap kouri toupatou nan mond lan . Nou prale Chili'Brezil ' repiblik dominikèn 'Bahamas 'tankou yon bann evade  Nou pa ianm fè yon etid sosyolojik de devlopman tout lòt pèp yo e nou pa janm poze tèt nou kesyon poukisa yo ap progrese 'majorité Ayisyen kò yo nan peyi a men lespri pa nan peyi a.kòman ou pral vle pou yon peyi devlope ak jan de mantalite sa yo pap gen okenn angajman ke sitwayen yo ap pran pou sa chanje paske yo konnen se an tranzit yo ye.Nou kòmanse wè menm etranje wè ke noun menm Ayisyen nou vle rekòlte sa ke nou pa simen yo kòmanse ap kouri dèyè nou toupatou.


Mezanmi an nou pran konsyans de eta nou.
 Genyen yon provèb Afriken ki di Lorsque tu ne sais pas où tu vas, regarde d'où tu viens.Politik ki melem sa pa gadem sa nou wè konsekans li 'si se pèdi nou te pèdi nan rout nou ebyen gade kote nou sòti e kote nou ye.Chanjman kolektif paka fèt san konsyans kolektif la.


 Alceus.Dilson journaliste.