Yon pouvwa kap tatonnnen e yon opozisyon ki pèdi kredibilite li.

Sa fè kèlke tan  pouvwa an plas la paka defini priorité gouvènman an . problèm yo si tèlman anpil tout bagay ta sanse priyorite' peyi a malad jis nan zo.Sa fè plis pase 10'20 a 30 anè depi ke nou pa janm ka defini sa ki priyorite pou nou.


Sa vinn fè nou tonbe nan yon enbrogliyo kote nou pa konn kisa pou nou fè 'gouvènman monte gouvènman desann se menm bagay Anyen pa janm mache nou toujou nan yon pèpetyèl rekòmansman nou pa janm wè kote nou prale ni kote nou rive.Leta dwe fikse tèt li yon ansanm de objektif pou di men nan 5 e 10 ane men ki kote nap rive'sa mande yon kolaborasyon tout sektè nan peyi a.


Yon opozisyon ki pa konn sa pou li fè paske li pèdi tout konfyans li nan men popilasyon an'pèp la kòmanse wè anba yo se yon kesyon de retire pye ou banm mete pye mwen.Fòk klas politik la konnen sitiyasyon yo evolye avèk le tan nan peyi avèk la monte de tèknoloji a nan mond lan pagen anyen ki kichè okenn lidè opinion paka pab ap kache pèp la vérité. Pagen okenn mal pou opozisyon an pran pouvwa  wòl li sa se travay pou pwan pouvwa nan enterè majorité a kise pèp la .


ķòman ou pral fè fè pèp la kwè nan ou nan teyori sèlman 'si yo defini politik la kòm yon jwèt a enterè anndan li men enterè li pa dwe pèsonèl sèlman men li dwe kolektif. Se menm jan ak yon biznis ak kliyan li yo mounn ki bay pi bon sèvis se li menm kap jwennn favè pèp la nan eleksyon. 


Poukisa lè ou di opozisyon Ayiti pèp la konprann li mal ? 

Demokrasi pa kapab grandi san pa genyen opozisyon wòl li se veye tout sa gouvènman ap fè ki bon e kritike tout move desizyon gouvènman 'pote kèk eleman de solisyon .


Poukisa lè ou opozisyon Ayiti depi 10'20' 30 ane se menm mounn yo'menm strateji yo 'menm aksyon yo ki trè monotòn'pagen renouvèlman a lòske Demokrasi ya mande fòk gen sak rele divèjans ide.


Si politik la li menm li dinamik fòk sa fèt nan tout sfè sosyete a .Pa genyen la relèv si Jèn yo pa jwenn bon jan entegrasyon yo ak  ankadreman ke sa mande paske se yo ki pral ranplase nou demen . Pou pale de altènans démokratik fòk chak Sitwayen yo patisyon pa yo 'li dwe fèt nan Pati politik yo nan Òganizasyon yo  fòk gen renouvèlman ann dan pati yo li pa nòmal pou yon pati politik yon Òganizasyon depi 10 '20 ane se yon sèl mounn ki nan tèt li si pagen emèjans mounn mounn paka genyen emèjans ide' san nouvèl fason de fè nou pap kapab genyen yon nouvèl Ayiti.


Alceus.Dilson journaliste.